अर्को बर्षको दशैँमा रिलिज हुन्छ ‘एन्टि हिरो’ : भुवन केसी

११ असोज २०७६, काठमाडौँ

ए मेरो हजुर ३ पछि अरु कुनै चलचित्र साइन नगरेका अनमोलको आगामी प्रोजेक्ट आफ्नै होम ब्यानरमा बन्न लागेको चलचित्र एन्टि हिरो हुने बताइएको थियो । तर स्क्रिप्टको काम नसकिएकाले अनमोलले एन्टि  हिरो भन्दा पहिले साप्तेन भुटियाको धुपौरे मा काम गर्ने भएका छन् ।

यस्तो हुदाँ अनमोलका फ्यानहरु कतै एन्टि हिरो नबन्ने पो हो की भन्ने चिन्तामा थिए । तर भुवनले एन्टि हिरो अर्को बर्षको दशैँमा रिलिज हुने बताएका छन् । दशैँमा दर्शकले चलचित्र बढी हेर्ने भएकाले  निर्माता निर्देशकको आखाँ दशैँ आसपास चलचित्र रिलिज गर्नेमा नै जान्छ ।

अर्को बर्षको दशैँमा अशोक शर्माले अल्लारे २ लिएर दर्शकमाझ आउने घोषणा गरिसकेका छन् भने भुवनले पनि अनमोलका फ्यानको सुझाव अनुसार नै अर्को दशैँमा एन्टि हिरो रिलिज गर्ने बताएका छन् ।