टंक, अशोक र ए.आरको ‘मन बिनाको धन ठूलो की धन बिनाको मन’ २ रिलिज

११ असोज २०७६, काठमाडौँ

मन बिनाको धन ठूलो की धन बिनाको मन बाट एकाएक चर्चामा आएका बालगायक हुन् अशोक दर्जी । यो गीतले नै उनलाई चर्चामो शिखरमा पुर्याएको थियो । यसको श्रेय हामीले टंक बुढाथोकीलाई अवश्य पनि दिनुपर्छ ।

यस्तै मन बिनाको धन ठूलो की धन बिनाको मन को अपार सफलतापछि टंक बुढाथोकीले मन बिनाको धन ठूलो कि धन बिनाको मन २ पनि निकालेका छन् । मन बिनाको धन ठूलो कि धन बिनाको मन मा अशोक दर्जी र टंक बुढाथोकीको आवाज रहेको थियो भने अहिले टंक र अशोकको साथमा ए.आर बुढाथोकी पनि थपिएका छन् ।

टंक बुढाथोकीको शब्द र संगीत रहेको बा आमा बोलको गीतमा टंक, अशोक र ए.आरको आवाज रहेको छ । बुबा आमालाई समर्पित गरिएर तयार पारिएको गीतमा टंक, अशोक र ए.आर नै फिचर्ड छन् । निकै रमाइलो शैलीको गीतलाई दिपकराज सुनारले कोरियोग्राफी गरेका हुन् । यो गीतले युट्युबमा अपलोड गरिएको केही समयमै सर्वाधिक भ्यूज पाउन सफल भएको छ ।