‘छ माया छपक्कै’ को ‘बिच बिचमा’ गीत रिलिज

११ असोज २०७६, काठमाडौँ

असोज २४ बाट देशव्यापी रुपमा प्रदर्शनमा आउन लागेको चलचित्र छ माया छपक्कै को प्रमोशन गीत रिलिज भएको छ । दिपक–दिपाले यसअघि बनाएका हरेक चलचित्रम प्रमोशन गीत हुन्थे । यो शिलशिला यसपटक पनि रोकिएको छैन ।

तर यसपटक प्रमोशन गीतमा दर्शकले फरक स्वाद भने पाउने भएका छन् । दुर्गेश थापाले तिजमा निकालेको हामी पनि नाच्नु पर्छ बिच–बिचमा बोेलको गीतले यसपालीको तिजमा नयाँ रंग ल्याइदिएको थियो । दर्शकले सर्वाधिक रुचाएको उक्त गीतको शैलीमा छ माया छपक्कै को प्रमोशन गीत निकालिएको छ ।

लय उही, संगीत उही बस शब्द मात्र फरक । यो गीतलाई दर्शकले छोटो समयमा नै निकै रुचाएका छन् । धेरैले दिपक दिपाको यो आइडियाको प्रशंसा समेत गरेका छन् । यो गीतमा दुर्गेश थापासँगै चलचित्रका अधिकांश मुख्य कलाकार समेटिएका छन् ।