‘कबड्डी कबड्डी कबड्डी’ को एक हप्ते कमाई ७ करोड

१२ असोज २०७६, काठमाडौँ

पछिल्लो समयमा नेपाली चलचित्रले त्यति राम्रो व्यापार नगरेको अवस्थामा असोज ३ बाट प्रदर्शनमा आएको चलचित्र कबड्डी कबड्डी कबड्डी भने एकपटक फेरि हलसम्म दर्शक तान्न सफल भएको छ ।

यो चलचित्रले रिलिजको तेस्रो दिनमा ४ करोडभन्दा माथिको व्यापार गरेर रेकर्ड राखेको थियो । चलचित्रको एक हप्ते कमाई ७ करोडभन्दा बढी भएको छ । पछिल्लो समयमा जात्रै जात्रा पछि दर्शकले अरु कुनै चलचित्र हेर्न जाँगर देखाएका थिएनन् । तर कबड्डी ३ को व्यापार अझै पनि आक्रमक नै देखिएको छ ।

समिक्षकबाट मिश्रित प्रतिक्रिया पाएको चलचित्रलाई दर्शकले भने निकै रुचाएका छन् । विशेष चलचित्रमा कलाकारको अभिनय र कथावस्तुलाई दर्शकले राम्रो भनेका छन् । यो चलचित्रले दोस्रो हप्ता पनि मल्टिप्लेक्समा राम्रो शोज पाएको छ । जसका कारण यो चलचित्र रातो टिका निधारमा को लागि थ्रेट पर्ने देखिन्छ ।