१२ असोज २०७६, काठमाडौँ
केहीसमय अघि विरगञ्जमा एसिड आक्रमणमा परेकी मुस्कान खातुनलाई अहिले सबैले हौसला दिइरहेका छन् । कत्ति नेपाली कलाकार उनलाई भेट्न गएर सहयोग गरिरहेका छन् । मुस्कानलाई नेपाली मात्र नभएर बलिउड सेलिब्रेटिहरुले समेत हौसला दिइरहेका छन् ।
बलिउड अभिनेता वरुण धावन र कृति सेननले सन्देश पठाएका छन् । कीर्तिपुरमा उपचार गराइरहेकी मुस्कानलाई वरुणले भिडियो सन्देश दिँदै हौसला राख्न आग्रह गरेका छन् ।
मुस्कानलाई बलिउड अभिनेत्री कृति सेननले भिडियो फोन गर्दै उनको हौसला बढाएकी छिन् । सेननले भिडियो कलमार्फत मुस्कानसँग कुराकानी गरेकी थिइन् । अस्पतालको बेडमा रहेकी मुस्कानले वरुण धावन र कृति सेननलाई आफू फ्यान भएको बताएकी थिइन् ।
