यी हुन् नेपालसँग साइनो रहेका बलिउड कलाकारहरु, हेर्नुहोस् कसको सम्बन्ध कस्तो ?

१२ असोज २०७६, काठमाडौँ

भारतमा चर्चा कमाएका यस्ता कलाकार पनि छन् जसको नेपालसँग सम्बन्ध जोडिएको छ । अझ खुसीको कुरा त के छ भने जो बलिउड सेलिब्रेटिको नेपालसँग सम्बन्ध जोडिएको छ उनीहरुले गर्वका साथ यो कुरा बताउँछन् ।

हेरौँ को–को कलाकारको नेपालसँग सम्बन्ध गासिएको रहेछ ।

गोविन्दा अहुजा

धेरैलाई थाहा नै होला बलिउडका चर्चित नायक गोविन्दाकी श्रीमती नेपालकी छोरी हुन् । यस अर्थमा गोविन्दा नेपालका ज्वाई हुन् । जसको कारण उनी बेला बेलामा नेपाल आइरहन्छन् भने थोरै थोरै नेपाली पनि बोल्न जान्दछन् ।

अहमद खान

अहमद खान बलिउडका चर्चित कोरियोग्राफर हुन् । अहमदका बुबा भारतीय मुसलमान भएपनि उनकी आमा नेपाली हुन् । यसैकारण उनको पनि नेपालसँग सम्बन्ध छ । यो कुरा अहमद आफैँले टेलिभिजनमा बताएका छन् ।

भारती सिंह

भारतमा कमेडी क्वीनको रुपमा परिचित भारतीको पनि नेपालसँग नाता गासिएको छ । भारतीकी आमा पञ्जाबी भएपनि उनका पिता नेपाली हुन् । भारतीले थोरै नेपाली बोल्न जानेकी पनि छिन् । उनी आफ्नो बाबु नेपाली भएकोमा निकै खुसी लाग्ने बताउँछिन् ।

श्रृति झा

सानो पर्दामा परिचित अनुहार हो श्रृति झा । उनी भारतीय टेलिभिजन च्यानल जि टिभी बाट प्रशारण हुने शो कुमकुम भाग्य बाट चर्चामा आएकी हुन् । श्रृति नेपालमा जन्मिएकी होइनन् । तर उनी लामो समयसम्म काठमाडौँमा आफ्नो परिवारसँग बसेकी थिइन् । आफ्नो बाल्यकाल नै नेपालमा बिताएका कारण श्रृति राम्रोसँग नेपाली बोल्न सक्छिन् ।