१३ असोज २०७६, काठमाडौँ
राजेश हमाल र करिश्मा मानन्धर नेपाली चलचित्र क्षेत्रमा सबैभन्दा धेरै रुचाइएका जोडीको रुपमा परिचित छन् । अहिले पनि उनीहरुलाई लिएर काम गर्ने निर्माता निर्देशकको कमी छैन । यस्तै राजेश र करिश्माले लामो समयपछि एकसाथ काम गरेको म्यूजिक भिडियो भर्खरै सार्वजनिक भएको छ ।
दिपक शर्माको शब्द र संगीत रहेको चट्ट बसम देउरालीमा बोलको गीतमा मेलिना राई भिम चापागाईको आवाज रहेको छ । निकै रमाइलो शैलीको गीतमा राजेश र करिश्मा फिचर्ड छन् । गीतमा राजेश र करिश्माको रोमान्स पनि देख्न सकिन्छ । यो गीतलाई देवेन्द्र पाण्डेले कोरियोग्राफी गरेका हुन् ।
