१३ असोज २०७६, काठमाडौं
नीजि तथा आवासीय विद्यालय संगठन काठमाडौं (प्याब्सक)ले बडा दशैं, शुभ दिपावली, नेपाल सम्वत तथा छठ लगायतका पर्वहरुको शुभकामना आदान–प्रदान कार्यक्रम सम्पन्न गरेको छ ।
कार्यक्रममा प्याब्सकका संस्थापक अध्यक्ष केदार पुडासैनी, नेशनल प्याब्सन प्रदेश नं ३ का सचिव भूपेन्द्र खत्री, नेशनल प्याब्सनका वरिष्ठ उपाध्यक्ष सूर्य बहादुर अधिकारी, प्याब्सकका कार्यवहाक अध्यक्ष नारायणबाबु तिम्सिना लगायतको उपस्थिती रहेको थियो ।
शुभकामना आदान–प्रदान कार्यक्रममा सामाजिक सुरक्षा कोष, सामूदायिक विद्यालयमा सरकारको दायित्व, नीजि विद्यालयहरुको हकहित लगायतका विषयमा छलफल गरिएको थियो ।
प्याब्सकका कार्यवहाक अध्यक्ष नारायणबाबु तिम्सिनाको अध्यक्षतामा सम्पन्न कार्यक्रमको स्वागत मन्तव्य नेशनल प्याब्सन काठमाडौंका जिल्ला अध्यक्ष विष्णु पराजुली र संचालन प्याब्सक महासचिव गेन्द्र लामाले गरेका थिए ।
