१३ असोज २०७६, काठमाडौँ
चलचित्र होस्टल रिटन्र्स बाट नेपाली रजतपटमा पाइला राखेका अभिनेता सुशिल श्रेष्ठले अभिनय गरेको चलचित्र बादशाह जुट को अफिसियल ट्रेलर रिलिज भएको छ ।
कार्तिक १५ बाट प्रदर्शनमा आउने भनिएको चलचित्रको ट्रेलर कमेडी र एक्सन जनराको रहेको ट्रेलरबाट स्पष्ट हुन्छ । यो चलचित्रबाट सुशिल निकै नै आशावादी रहेका छन् । सुशिल अभिनीत चलचित्र बक्सअफिसमा त्यति सफल नभएका कारण पनि उनको लागि यो चलचित्र चल्नु आवश्यक छ ।
फिल्ममा सुशील श्रेष्ठ, आमिर गौतम, रोषी खड्का, केइषा रावत, रश्मि पाण्डे, रोबिन तामाङ, दीपक क्षेत्री, कमलमणि नेपाल र अतिथि भूमिकामा प्रियंका कार्कीको अभिनय रहेको छ ।
