पहिलो पटक एउटै भिडियोमा गजित र गम्भिर

१४ असोज २०७६, काठमाडौँ

गजित विष्ट र गम्भिर विष्ट दाजुभाई हुन् । गम्भिर सफल कोरियोग्राफर हुन् भने गजित चर्चित नायक हुन् । यी दुवै दाजुभाई डान्समा नम्बर वान मानिन्छन् । गम्भिर त आफै कोरियोग्राफर हुन् तर गजितले पनि गम्भिरले भन्दा कम चाहिँ नाच्दैनन् ।

यस्तै यी दाजुभाईको नयाँ म्यूजिक भिडियो भर्खरै सार्वजनिक भएको छ । शेखर कोइरालाको शब्द र रिकेश गुरुङको संगीत रहेको ए सानी बोलको गीतमा सत्यराज आचार्य र स्वरुपराज आचार्यको आवाज रहेको छ ।

निकै रमाइलो शैलीको गीतमा गजित विष्ट र गम्भिर विष्टका साथमा समिक्षा पोखरेल पनि फिचर्ड छिन् । यो गीतलाई गम्भिर विष्टले कोरियोग्राफी गरेका हुन् ।