१४ असोज २०७६, काठमाडौं
नेपाल कम्युनिष्ट पार्टी (नेकपा) फिक्कल गाउँपालिका कमिटीद्वारा आयोजित वडादशैं, तिहार, नेपाल सम्वत तथा छठ पर्वको शुभकामना आदानप्रदान कार्यक्रममा संघीय सांसद तथा केन्द्रीय सदस्य गणेश पहाडीले दर्जन बढी काँग्रेस कार्यकर्ता नेकपामा प्रवेश गराएका छन् ।
सांसद पहाडीले नवप्रवेशीहरुलाई अविर, खादा तथा टिका लगाई पार्टीमा प्रवेश गराएका थिए । काँग्रेस परित्याग गरी नेकपा प्रवेश गर्नेहरुमा महेश्वर चौरेल, सेवन पुलामी, गोकर्ण बुढाक्षेत्री, भूमिका पुलामी, केदारमान बिक, खड्ग बहादुर पुलामी, तारा राना मगर, बासुदेव सुनुवार, भित्र श्रेष्ठ, सुदन बुढा र मोहन सुनुवार रहेका छन् ।
कार्यक्रममा सांसद पहाडी लगायत नेकपा केन्द्रीय सदस्य कलम जङ्ग राई, पार्टी जिल्ला सचिव प्रदीप कटुवाल, सचिवालय सदस्य नारायण बराल, धन बहादुर कार्की, पार्वती सुनुवार, विद्यार्थी नेता दिपेश बराल, दिपेन्द्र फुँयाल, शिक्षक महासंघ फिक्कलका अध्यक्ष बुद्धिलाल पहाडी र प्रधानाध्यापक नरेश पहाडीको उपस्थिति रहेको राजु बरालले परिवर्तन खबरलाई जानकारी गराए ।
