१५ असोज २०७६, काठमाडौँ
कार्तिक ८ बाट प्रदर्शनमा आउने भनिएको चलचित्र घामड शेरे को पहिलो गीत सार्वजनिक भएको छ । निश्चल बस्नेत र स्वस्तिमा खड्काको मुख्य भूमिका रहेको चलचित्र यो बर्षको प्रतिक्षित चलचित्र हो ।
कालिप्रसाद बास्कोटाको शब्द र संगीत रहेको साली मन पर्यो बोलको गीतमा कालिप्रसाद बास्कोटा र अस्मिता अधिकारीको आवाज रहेको छ । निकै रमाइलो शैलीको गीतमा निश्चल र स्वस्तिमा नै फिचर्ड छन् ।
गीतमा निश्चलले स्वस्तिमालाई साली भनेर जिस्काइरहेका छन् भने स्वस्तिमाले पनि निश्चललाई भेना भनेकी छिन् । यो गीतलाई प्रदिप लामाले कोरियोग्राफी गरेका हुन् ।
