१५ असोज २०७६, काठमाडौँ
चकलेटी अभिनेताको रुपमा परिचित प्रदिप खड्काले अहिलेसम्म लबर ब्वाईको रुपमा मात्र चलचित्रमा काम गरेका छन् । उनले अलि फरक जनराको चलचित्र गरेको हेर्ने दर्शकको चाहना रहेको छ ।
यस्तै अब प्रदिपले कमेडी चलचित्रमा काम गर्न लागेको कुुरा बाहिर आएको छ । चलचित्र प्रेमगीत २ का निर्देशकले बनाउन लागेको कमेडी चलचित्रको लागि प्रदिप खड्का फाइनल भएको कुरा सुन्नमा आएको छ ।
यो चलचित्रलाई सन्तोष सेनले निर्माण गर्न लागेको बताइएको छ । निर्माता सेन र अभिनेता प्रदीपबीच कमेडी फिल्मका लागि मौखिक सहमति भइसकेको छ ।
