एसिड आक्रमणमा परेकी मुस्कानलाई बलिउड अभिनेता अभिताभ बच्चनले सान्त्वना दिदैँ पठाए यस्तो सन्देश

१६ असोज २०७६, काठमाडौँ

एसिड आक्रमणमा परेकी विरगञ्जकी बालिका मुस्कान खातुनलाई यतिबेला नेपाली तथा बलिउड सेलिब्रेटीहरुले सामाजिक सञ्जालमा सान्त्वना दिइरहेका छन् भने कति कलाकार उनलाई भेट्नै पुगे । यस्तै बलिउडका चर्चित अभिनेता अमिताभ बच्चनले पनि सामाजिक सञ्जालमा मुस्कानलाई सान्त्वना दिदैँ एक सन्देश पठाएका छन् ।

अमिताभ बुधबार साँझ मुस्कानको लागि सन्देश पठाएका हुन् । अमिताभले मुस्कान बहादुर बालिका भएको बताएका छन् भने उनको स्वास्थ्य लाभको पनि कामना गरेका छन् ।

उनले सन्देशमा भनेका छन् ‘मलाई तपाईको बिषयमा उज्जवल थापाले बताउनुभयो । उज्जवल र म एकै कलेजमा पढेका हौ । उहाँले तपाईसँग के भयो त्यो भन्नुभयो । जे भयो त्यो दर्दनाक भयो । त्यो सुनेर मलाई दुख लाग्यो । मुस्कार शब्दको अर्थ मुस्कुराउनु हुन्छ । तपाई चाडो भन्दा चाडौ निको हुनुहोस । तपाईसँग जे भयो  गलत भएको छ ।’