फेरि कता हराइन् निरुता ?

१६ असोज २०७६, काठमाडौँ

निरुता  सिंह लामो समयपछि चलचित्र नाई नभन्नु ल ५ मा गरेको केमियो भूमिकाका साथ नेपाली चलचित्र क्षेत्रमा फर्किएकी थिइन् । त्यसपछि उनले चलचित्र दाल, भात, तरकारी काम गरिन् । औषत समिक्षा पाएको चलचित्रको व्यापार भने राम्रै भएको थियो ।

निरुताले अब आफू यो क्षेत्रमा निरन्तर काम गरिरहने र दर्शकबाट टाढा नहुने बताएकी थिइन् । तर बिरामी भएका कारण मुम्बई गएकी निरुता फर्किएर आइनन् । निरुता चलचित्र क्षेत्रमा फर्किने कुराले दर्शक निकै नै खुसी भएका थिए । किनकी कुनै समयमा एकछत्र चलचित्र क्षेत्रमा राज गरेकी नायिका हुन् निरुता ।

अहिले उनी एकाएक हराएपछि फेरि उनको खोजी हुन थालेको छ । गुमाइसकेको स्टारडम फेरि पाएकी थिइन् निरुताले । तर उनी चलचित्र बाट फेरि टाढा भएपछि पनि दर्शकले पिर मान्न थालेका छन् ।