१६ असोज २०७६, काठमाडौँ
अभिनेता विराज भट्ट लामो समयपछि चलचित्र साङ्लो लिएर दर्शकमाझ आउँदैछन् । यो चलचित्र विराज स्वयमले निर्देशन गरेका हुन् । चलचित्रमा उनीसँगै निकिता चण्डक मुख्य भूमिकामा छिन् ।
फागुन ९ बाट यो चलचित्र देशव्यापी रुपमा प्रदर्शनमा आउँदै छ । यो चलचित्रलाई लिएर विराज निकै आशातीत रहेका छन् । कुनै समयका स्टार मानिने विराजको फ्यान फलोइङ अहिले पहिले जति छैन ।
त्यसैले गुमेको स्टारडम फर्काउनको लागि पनि यो चलचित्र विराजका लागि विशेष भएको मानिन्छ । अब दर्शकले विराजको साङ्लो लाई रुचाउने हुन् वा होइनन् त्यो हेर्न भने केही समय पर्खनै पर्छ ।
