एकअर्कासँग नजिकिदैँ पारश र सोनिका

२८ असोज २०७६, काठमाडौँ

आजभोली पूर्वयुवराज पारश शाह र चर्चित युट्युबर सोनिका रोकायको निकटता बढ्दो छ । उनीहरु धेरै ठाउँमा सँगै देखिन थालेका छन् । त्यसैले पनि उनीहरुलाई लिएर अनेक खालका टिका टिप्पणीहरु आउन थालेका छन् ।

अहिले सामाजिक सञ्जाल टिकटकमा पूर्वयुवराज पारस शाहको एउटा भिडियो भाइरल बनेको छ । सुमन नामको अकाउन्टबाट अपलोड गरिएको उक्त भिडियोमा पूर्वयुवराज पारस शाह आफ्ना एक सुभेच्छुकसँग तर्क गरिरहेका देखिन्छन् । तर, १५ सेकेन्डको यो भिडियोको इन्डिङ अर्कै तरिकाले हुन्छ । अलि परबाट एक सुन्दरी आउँछिन् र सरासर पारसको मोटरसाइलको पछाडि सिटमा बस्छिन् । लगत्तै पारसले आफ्नो बाइक हुइक्याउँछन् ।

यी कुनै अपरिचित युवती भने होइनन् । उनी हुन् यूट्यूवर सोनिका रोकाया ।

केही समयदेखि पारशको आफ्नी श्रीमती हिमानीसँग खासै राम्रो सम्बन्ध छैन । त्यसका कारण पनि केहीसमय अघि उनी एक युवतीको प्रेममा थिए भन्ने हल्ला चलेको छ । अहिले फेरि सोनिकासँग उनको नाम जोडिन पुगेको छ ।