‘इनास अवार्ड’ मा विपिन र स्वस्तिमाले पाए उत्कृष्ट नायक–नायिकाको अवार्ड

२८ असोज २०७६, काठमाडौँ

सोमबार राजधानीमा आयोजित छैठौँ इनास अवार्ड भव्य र सव्य तरिकाले सम्पन्न भएको छ । अन्तराष्ट्रिय नेपाली कलाकार समाज ले आयोजना गर्दै आएको इनास अवार्ड मा यसबर्ष सर्वोत्कृष्ट नायक र नायिकाको अवार्ड स्वस्तिमा खड्का र विपिन कार्कीले हात पारेका छन् ।

स्वस्तिमा खड्काले चलचित्र बुलबुल बाट उत्कृष्ट अभिनेत्रीको अवार्ड पाइन् भने विपिन कार्कीले प्रसाद बाट उत्कृष्ट अभिनेताको अवार्ड पाए । अवार्ड कार्यक्रममा नयाँ देखि पुराना कलाकारसम्म उपस्थित भएका थिए । यस्तै उत्कृष्ट फिल्मको अवार्ड पनि बुलबुल ले नै पाउन सफल भयो ।