अहिले बजारमा नायिका पूजा शर्मा र नायक आकाश श्रेष्ठको प्रेमको चर्चा खुबै चल्न थालेको छ । दर्शकले सर्वाधिक रुचाएको जोडी हो आकाश र पूजाको । त्यसैकारण पनि उनीहरुबीच प्रेम रहेको बताइन्छ ।
तर पूजा र आकाशले भने बारम्बार यो कुरालाई अस्वीकार गर्दै आएका छन् । पूजा भन्छिन्, दर्शकले हाम्रो जोडी मन पराइदिनु भएकाले यसलाई प्रेमको नाम दिनुभएको हो तर हामीबिच प्रेम छैन । यस्तै आकाश पनि पूजा आफ्नो बेष्ट फ्रेण्ड मात्र भएको बताउँछन् ।
पूजा र आकाश अभिनीत चलचित्र पोई पर्यो काले यहि कार्तिक ८ बाट प्रदर्शनमा आउँदै छ । मल्टिस्टारर कलाकार रहेको चलचित्र पोई पर्यो काले को गीतसँगीत र ट्रेलरलाई दर्शकले औधी रुचाएका छन् । त्यसका कारण पनि चलचित्र सफल हुनेमा निर्माण टिम आशातित रहेको छ ।
