‘ए मेरो हजुर ४ मा नयाँ कलाकार आएको हेर्न चाहन्छु’ : सुहाना थापा

०३ कार्तिक २०७६, काठमाडौँ

पहिलो चलचित्रबाट नै दर्शकको अत्याधिक माया पाएकी सुहाना थापा यतिबेला अमेरिकामा आफ्नो अध्ययन पुरा गर्दैछिन् । उनी अभिनीत पहिलो चलचित्र ए मेरो हजुर ३ बक्सअफिसमा सुपरहिट साबित भएको थियो ।

दर्शकले सुहानाको अभिनयको मुक्तकण्ठले प्रशंसा गरेका थिए । यस्तै सुहानाको अर्को चलचित्र कहिले आउँछ भनेर दर्शकले प्रतिक्षा गरिरहेका छन् । यस्तै सुहानाले आफू नहराएको बताएकी छिन् । उनले आफूलाई अब चलचित्र भागवत गीता मा काम गर्न मन भएको बताएकी छिन् ।

तर अब छिट्टै नै नयाँ चलचित्र आफूले गर्न लागेको पनि उनले बताएकी छिन् । यस्तै उनले ए मेरो हजुर को सिरिज मा अहिलेसम्म कलाकार नदोहोरिएकाले सुहाना ए मेरो हजुर को चौथो सिरिजमा पनि नयाँ कलाकार देख्ने इच्छा आफ्नो भएको बताउँछिन् ।