०४ कार्तिक २०७६, काठमाडौँ
मिडिया हबले सक्कीगोनि टिमलाई उजुरी हालेको थियो । पहिले मिडिया हबबाट प्रशारण हुने भद्रगोल को मिडिया हबसँग झगडा भएपछि भद्रगोल ले आफ्नै टिम मिलेर सक्कीगोनि नामक टेलिसिरियल प्रशारणमा ल्याएको छ भने मिडिया हबले नयाँ टिमसहित भद्रगोल पुनः सुचारु गरेको छ ।
तर सक्कीगोनि ले छोटो समयमा दर्शकको मन जित्दा भद्रगोल को लोकप्रियता भने निकै घटेको छ । त्यसैले नै मिडिया हबले सक्कीगोनि टिमलाई मुद्दा हालेको हो । यसैबिच सक्कीगोनि का निर्माता निर्देशक तथा कलाकार कुमार कट्टेल (जिग्री), अर्जुन घिमिरे (पाडे) र सिते बा ले ‘यही देशमा बसेर कलाकारिता गर्नु र कलाकार बन्नु नै मेरो गल्ती हो भने उजुरी मात्र किन हातमा हत्कडी नै लगाएर थुनिदिनुस भनेर स्टाटस लेखेका छन् ।
यस्तै सक्कीगोनि का अन्य कलाकारले पनि मिडिया हबप्रति गुनासो पोखेका छन् । हुन पनि भद्रगोल का सबै क्यारेक्टर भद्रगोल का कलाकारले नै जन्माएको हो । यसमा मिडिया हबले उजुरी नै गर्नुपर्ने जरुरी भने देखिदैँन । अब यो कुराले कस्तो मोड लिने हो हेर्न बाकिँ नै छ ।
