निश्चल भन्छन्, ‘थोरै फिल्म बनाउँछु तर फरक बनाउँछु’

०६ कार्तिक २०७६, काठमाडौँ

निश्चल बस्नेत नेपाली चलचित्र क्षेत्रका सफल निर्देशकको रुपमा परिचित छन् । अझ नेपाली चलचित्र क्षेत्रलाई नयाँ स्तरमा ल्याउने निर्देशक नै उनलाई मानिन्छ । उनले चलचित्र लुट बनाएपछि फिल्म मेकिङमा परिवर्तन आएको हो ।

तर आजभोली निश्चल चलचित्र निर्देशनमा भन्दापनि अभिनयमा लागिरहेका छन् । उनी अभिनीत चलचित्र प्रसाद अघिल्लो बर्ष प्रदर्शनमा आएको थियो । जसलाई दर्शकले निकै रुचाए । यस्तै उनी मुख्य भूमिका देखिएको चलचित्र घामड शेरे यहि कार्तिक ८ बाट देशव्यापी रुपमा प्रदर्शनमा आउँदै छ । निश्चल केही आइटम गीतहरुमा पनि देखिने गरेका छन् ।

यस्तै आजभोली निश्चललाई चलचित्र निर्देशन गर्न छोडेको आरोप लाग्ने गरेको छ । निश्चल भने आफूले चलचित्र निर्देशन गर्न नछोडेको बताएका छन् । उनले लुट २ पछि कुनैपनि चलचित्र निर्देशन गरेका छैनन् । त्यसैकारण पनि दुर्गेशलाई त्यस्तो प्रश्न आउनु सामान्य हो ।

निश्चल भने आफू थोरै मात्र चलचित्र बनाउने तर फरक धारको र राम्रो चलचित्र बनाउन चाहने बताए । उनले आफू राम्रो स्क्रिप्ट पर्खिरहेको बताउँछन् । आफ्नो मन खाने स्क्रिप्ट आएको खण्डमा उनी चलचित्र निर्देशन गर्नेछन् ।