‘ए मेरो हजुर ४’ मा सुहाना पक्का, को होला त उनको जोडी ?

०७ कार्तिक २०७६, काठमाडौँ

ए मेरो हजुर ३ बाट नेपाली चलचित्र क्षेत्रमा डेब्यु गरेकी नायिका सुहाना थापाले पहिलो चलचित्रबाट नै निकै सफलता हासिल गरिन् । उनको अभिनयको दर्शकले मुक्तकण्ठले प्रशंसा गरे । यस्तै ए मेरो हजुर ३ पछि सुहानाको आगामी प्रोजेक्ट के होला भनेर यतिबेला दर्शकलाई कौतुहलता भैरहेको छ ।

अन्ततः सुहानाले अब ए मेरो हजुर ४ मा काम गर्ने भएकी छिन् । झरना थापाले सामाजिक सञ्जालमा एक स्टाटस लेख्दै अब आफूले ए मेरो हजुर ४ नै निर्माण गर्ने बताएकी छिन् । उनी भागवत गीता र ए मेरो हजुर ४ मध्ये पहिले कुन चलचित्र निर्माण गर्ने भनेर दोधारमा थिइन् ।

तर उनले ए मेरो हजुर ४ नै पहिले बनाउने भएकी छिन् । यस्तै सुहानासँग ए मेरो हजुर ४ मा कसले रोमान्स गर्नेहुन् भनेर पनि प्रश्न आइरहेको छ । यसबारे भने झरनाले जानकारी दिएकी छैनन् ।