‘मिस्टर नेपाली’ को ट्रेलर रिलिज, भुवन केसी दोहोरो भूमिकामा

०७ कार्तिक २०७६, काठमाडौँ

कार्तिक २९ बाट देशव्यापी रुपमा प्रदर्शनमा आउन लागेको चलचित्र मिस्टर नेपाली को अफिसियल ट्रेलर रिलिज भएको छ । यस चलचित्रमार्फत भुवन केसी लामो समयपछि चलचित्र जगतमा भित्रिएका छन् ।

चलचित्रको ट्रेलरमा भुवन केसीलाई दोहोरो भूमिकामा देखाइएको छ । ट्रेलर हेर्दा उनी चलचित्रमा भिलेनको भूमिकामा छन् कि जस्तो पनि लाग्छ । विदेशमा बसेका नेपालीको देशप्रति देखाइएको मायालाई नै चलचित्रको मुख्य विषयवस्तु बनाइएको छ ।

चलचित्रमा भुवन केसीका साथ विष्णु सापकोटा, रवि डंगोल, कमलमणी नेपाल, नन्दु श्रीवास्तव, रीमा विश्वकर्मा लगायतका कलाकारको अभिनय छ । चलचित्रबाट साहिल श्रेष्ठ र कुसुम राउत यो क्षेत्रमा भित्रिदैछन् । साहिल र भूवनको टकराव चलचित्रमा हेर्न पाइनेछ ।