चौथो पटक ‘सम्झना बिर्सना’ मा सँगै काम गर्दै पूजा र आकाश

०८ कार्तिक २०७६, काठमाडौँ

पूजा शर्मा र आकाश श्रेष्ठ दर्शकले निकै रुचाएको जोडी हो । यी दुईले पहिलो पटक चलचित्र रामकहानी मा काम गरेका थिए । त्यस समयदेखि नै यिनीहरुको जोडीलाई दर्शकले खुबै रुचाएका थिए ।

पूजा र आकाशले दोस्रो पटक सँगै सहकार्य गरेको चलचित्र पोई पर्यो काले आजबाट देशव्यापी रुपमा प्रदर्शनमा आउँदै छ । यस्तै पूजा र आकाशले एकसाथ काम गरेको चलचित्र सम्हालिन्छ कहिले मन पनि रिलिजको तयारीमा रहेको छ । यस्तै अब पूजा र आकाशले नयाँ चलचित्रमा काम गर्ने भएका छन् ।

पूजा र आकाशले चौथो पटक सहकार्य गर्न लागेको चलचित्र सम्झना बिर्सना हो । यो चलचित्रको आज भद्रकाली मन्दिरमा शुभ मुर्हत गरिएको छ । चलचित्रमा आकाश र पूजा नै मुख्य भूमिकामा रहेको छन् । चलचित्र प्रेमकथामा आधारित बन्नेछ  । चलचित्रको छायांकन कार्तिक २१ बाट सुरु हुने बताइएको छ ।