झापाली कान्छाको तिहार गीत सार्वजनिक (भिडियो सहित)

०८ कार्तिक २०७६, काठमाडौँ

आजबाट नेपालहरुको दोस्रो ठूलो चाड तिहार सुरु भएको छ । आज तिहारको पहिलो दिन सबैले काग पूजा गरे । यस्तै तिहारलाई नेपालीहरुले निकै भव्य र सव्य तरिकाले मनाउने गरेका छन् । तिहारको रमझम सुरु भएसँगै बजारमा तिहारका थुप्रै गीतहरु रिलिज भैरहेका छन् ।

झापाली कान्छाको पनि तिहारको रमाइलो गीत सार्वजनिक भएको छ । दिनेशराज शर्माको शब्द र असोक थापाको संगीत रहेको तिहार आयो बोलको गीतमा रमेश अन्जान कडरिया र एलिना चौहानको आवाज रहेको छ ।

निकै रमाइलो शैलीको गीतमा राज सुब्बा लावतीको कोरियोग्राफी रहेको छ । गीतलाई झापाली कान्छा अभिषेकले निर्देशन गरेका हुन् । गीतमा झापाली कान्छा, मेरी लिम्बु, भिमा खतिवडा लगायतका कलाकार फिचर्ड छन् ।