आज बलिउड अभिनेत्री ऐश्वर्या रायको जन्मदिन, कति बर्षकी भइन् त उनी ?

१५ कार्तिक २०७६, काठमाडौँ

ऐश्वर्या राय बलिउडकी निकै राम्री र भर्सटाइल अभिनेत्रीको रुपमा परिचित छिन् । त्यतिमात्र नभएर विश्व  सुन्दरी पनि हुन् । ऐश्वर्याले बलिउडमा थुप्रै हिट चलचित्रहरु दिइसकेकी छिन् ।

आज उनै नायिका ऐश्वर्या रायको जन्मदिन रहेको छ । आजबाट ऐश्वर्या ४६ बर्षकी भएकी छिन् । जीवनको यो लामो यात्रामा उनले निकै नै संघर्ष गरेकी छिन् । यस्तै आज ऐश्वर्याको जन्मदिन भएकाले उनका शुभचिन्तकले उनलाई सामाजिक सञ्जालमा शुभकामना दिइरहेका छन् ।

ऐश्वर्याका श्रीमान अभिषेक बच्चनले पनि सामाजिक सञ्जालमा ऐश्वर्याको जन्मदिनको शुभकामना दिएका छन् । अभिषेकले ऐश्वर्यालाई राजकुमारी भन्दै वर्थ डे विस गरेका हुन् ।