१६ कार्तिक २०७६, काठमाडौँ
स्वस्तिमा खड्का पछिल्लो समयकी सर्वाधिक डिमाण्डेड र चर्चित नायिका हुन् । उनलाई आजभोली नम्बर वान नायिका भन्न थालिएको छ । यस्तै स्वस्तिमाले यसबर्ष कैयौँ अवार्ड समेत हात पारेकी छिन् ।
दर्शक स्वस्तिमाको अभिनय र सुन्दरताको निकै नै तारिफ गर्ने गर्छन् । तर स्वस्तिमा भने आफ्नो अभिनयबाट आफू कहिल्यै पनि सन्तुष्ट नहुने गरेको बताइन् । उनले काम गरिसकेपछि आफूलाई अझै राम्रो गर्न सक्थे भन्ने महशुस सधैँ हुने गर्छ ।
स्वस्तिमाको अभिनय चलचित्र बुलबुल बाट अझै निखारिएको बताइन्छ । स्वस्तिमा भने आफू अझै धेरै राम्रो काम गर्न बाकिँ भएको बताउँछिन् । यतिबेला उनी चलचित्र घामड शेरे को प्रचारमा व्यस्त छिन् ।
