पहिलो पटक म्यूजिक भिडियोमा एकसाथ देखिए राजेश र अञ्जली

१६ कार्तिक २०७६, काठमाडौँ

राजेश हमालको व्यस्तता पछिल्लो समयमा म्यूजिक भिडियोमा पनि बढ्दो छ । आफ्नो समय म्यूजिक भिडियोलाई पनि दिन थालेका छन् । केही समयअघि राजेश हमालको करिश्मा मानन्धरसँगको म्यूजिक भिडियो रिलिज भएको थियो । अहिले फेरि राजेशको नयाँ म्यूजिक भिडियो रिलिज भएको छ ।

विरही कार्की र शान्ति कार्कीको शब्द र विवि अनुरागीको संगीत रहेको आमाको आँशु बोलको गीतमा विरही कार्कीको नै आवाज रहेको छ ।

निकै मार्मिक शैलीको गीतमा राजेश हमालका साथै चर्चित मोडल अञ्जली अधिकारी, लक्ष्मी गिरी, सबिन बास्तोला, मिश्री बस्नेत, समिक्षा विसी, ध्रुव पोखरेल, स्तुति गौतम लगायतका कलाकारको अभिनय रहेको छ ।