१६ कार्तिक २०७६, काठमाडौँ
नायिका साम्राज्ञी राज्यलक्ष्मी शाहको क्रेज पछिल्ला दिनहरुमा घट्दो छ । एकपछि अर्को गर्दै उनी अभिनीत चलचित्रहरु असफल भैरहेका छन् । साथै ब्वाईफ्रेण्डसँगको फोटोको कारण पनि केही समय अघि उनी विवादमा परिन् । त्यसको कारण पनि उनको स्टारडममा ढेस पुगेको अनुमान लगाउन सकिन्छ ।
साम्राज्ञीको डिमाण्ड पनि घट्दै गएको बताइन्छ । साम्राज्ञीसँग काम गर्ने निर्माता निर्देशकले साम्राज्ञीको ध्यान पछिल्लो समयमा काममा भन्दापनि ब्वाइफ्रेण्डमा बढी भएको बताएको चर्चा सिनेवृतमा चलेको छ ।
तर साम्राज्ञीलाई पछ्याउनको संख्या भने घटेको छैन । उनले अपलोड गरेका तस्बिरहरुलाई दर्शकले रुचाइरहेका नै छन् । अब साम्राज्ञीले हेमराज विसीले निर्देशन गर्न लागेको चलचित्र शुभ विवाह मा काम गर्दैछिन् । जहाँ उनको जोडी प्रदिप खड्कासँग बाधिने पक्का भैसकेको छ ।
