२०७६ कार्तिक १७, काठमाडौँ
चलचित्र कृ बाट नेपाली चलचित्र जगतमा पाइला चालेकी नायिका अदिती बुढाथोकीले आफ्नो प्रेमी सार्वजनिक गरेकी छिन् । उनले इन्ष्टाग्राममा आफ्नो प्रेमीसँगको फोटो अपलोड गर्दै गुड टाइम्स लेखेकी छिन् ।
उनका प्रेमी बलिउडका चर्चित र्यापर हुन् । अलिम मोरानी नाम गरेका र्यापरको पहिलो र्यापलाई दर्शकले निकै नै रुचाएका थिए । लामो समयदेखि मुम्बईमा बस्दै आएकी नायिका अदिती बलिउडमा प्रवेश गर्ने तरखरमा छिन् । उनले केही हिन्दि म्यूजिक भिडियोमा समेत काम गरिसकेकी छिन् ।
तस्विरमा प्रेमीसँग अदिती रोमान्टिक मुडमा देखिएकी छन् । इन्स्टाग्राममा आफ्नो बोल्ड तस्विर राखेर चर्चामा आउने गरेकी उनले पहिलो पटक प्रेमीसँगको तस्विर साझेदार गरेपछि बधाईको ओहिरो लागेको छ । धेरैले दुईको जोडी सुहाएको प्रतिक्रिया जनाएका छन् ।
