१ महिनाको लागि बन्द हुदैँ कुमारी हल

१७ कार्तिक २०७६, काठमाडौँ

राजधानीको कमलपोखरीमा रहेको कुमारी हल दर्शकको सर्वाधिक चाप रहने हल हो । कुमारी हलमा विभिन्न चलचित्रको प्रिमियर समेत हुने गरेको छ । राम्रो पर्दा भएका कारण पनि कुमारी हलमा दर्शकको अभाव कहिल्यै हुदैँन ।

तर अब १ महिनाको लागि कुमारी हल बन्द हुने भएको छ । कुमारी हलको ट्वाइलेट र केही सिटहरु मर्मत गर्नुपर्ने भएकाले १ महिनाको लागि हल बन्द गर्न लागिएको हो । १ महिनापछि सबै व्यवस्था गरेर हल पुनः सुचारु गरिनेछ ।

कुमारी हलमा लागिरहेका सबै चलचित्रका शोजलाई हटाइएको समेत छ । यसले प्रदर्शन भैरहेका केही चलचित्रको व्यापारमा पक्कै पनि घाटा पर्नेछ ।