फस्टलुकमा यस्तो देखियो धुर्मुस–सुन्तलीको ‘सेन्टि भाइरस’, फागुन ९ बाट देशभर प्रदर्शन हुने

१९ कार्तिक २०७६, काठमाडौँ

धुर्मुस सुन्तली अभिनीत चलचित्र सेन्टि भाइरस को फस्टलुकसँगै रिलिज डेट पनि तय भएको छ । धुर्मुस–सुन्तलीकै मुख्य भूमिका रहेको चलचित्रलाई रामबाबु गुरुङले निर्देशन गरेका हुन् ।

सेन्टि भाइरस फागुन ९ बाट देशव्यापी रुपमा प्रदर्शनमा आउने भएको छ । चलचित्रमा धुर्मुस र सुन्तलीका साथै बुद्धि तामाङ, दयाहाङ राई, कमलमणि नेपाल, विल्सन विक्रम राई, राजाराम पौडेल लगायतका कलाकारको पनि मुख्य भूमिका रहेको छ ।

चलचित्रको कथावस्तु कुमार कट्टेल र दिपक आचार्यले लेखेका हुन् । धुर्मुस र सुन्तलीको मुख्य भूमिका रहेकाले यो चलचित्र दर्शकमाझ प्रतिक्षित बनिरहेको छ । चलचित्रको फस्टलुकमा भने धुर्मुसलाई मात्र देखाइएको छ ।