१९ कार्तिक २०७६, काठमाडौँ
यतिबेला हलहरुमा मल्टिस्टारर कलाकारको अभिनय रहेको चलचित्र हाउसफूल ४ प्रदर्शन भैरहेको छ । यो चलचित्रको व्यापार पनि निकै नै राम्रो छ । चलचित्रले १ सय करोडभन्दा बढीको कमाइ गरिसकेको छ ।
दर्शकले पनि यो चलचित्रलाई राम्रो भनेका छन् । तर अक्षय कुमारकी श्रीमती अथवा बलिउडकी कुनै समयकी चर्चित नायिका ट्वीङ्कल खन्ना भने यो चलचित्र कुनै पनि हालतमा हेर्न चाहन्नन् । उनले यो कुरा स्वयम अक्षयलाई भनेकी छिन् ।
अक्षयलाई यसबारे प्रश्न गर्दा उनले यस्तो प्रकारको चलचित्र ट्वीङ्कललाई पटक्कै मन नपर्ने भएकाले उनले हाउसफूल ४ नहेर्ने निर्णय गरेको बताए ।
