सलमान खानको फिल्ममा मुखियाको भूमिकामा देखिदैँ सुनिल थापा

१९ कार्तिक २०७६, काठमाडौँ

सुनिल थापा नेपाली चलचित्र क्षेत्रका लोकप्रिय कलाकार हुन् । अझ भन्नुपर्दा उनी नेपाली चलचित्र क्षेत्रमा खलनायकको रुपमा ज्यादा परिचित छन् । सुनिल थापा नेपाली चलचित्र क्षेत्रका मात्र नभएर बलिउडका पनि लोकप्रिय कलाकार नै हुन् ।

सुनिलले केही बलिउड चलचित्रमा काम गरिसकेका छन् । पछिल्लो समयमा उनी अभिनीत मेरी कोम बलिउड चलचित्र प्रदर्शनमा आएको थियो । जहाँ प्रियंका चोपडा मुख्य भूमिकामा थिइन् । सुनिलले भर्खरै नयाँ बलिउड चलचित्र साइन गरेको बताइएको छ ।

उनले सलमान खानको ब्यानरमा बन्न लागेको चलचित्रमा काम गर्न लागेका हुन् । जहाँ कट्रिना कैफकी बहिनी मुख्य भूमिकामा रहने बताइएको छ । कट्रिनाको बहिनीले यसै चलचित्र मार्फत बलिउडमा डेब्यु गर्दैछिन् । चलचित्रमा सुनिल मुखियाको भूमिकामा देखिने भएका छन् ।