‘नेपाल चलचित्र स्वर्णिम महोत्सव’ का लागि नेपाल आउँदै गोविन्दा

१९ कार्तिक २०७६, काठमाडौँ

बलिउडका लोकप्रिय कलाकार गोविन्दा नेपाल आइरहेका हुन्छन् । पोहोर साल उनी एलजी अवार्डका लागि नेपाल आएका थिए । नेपाल गोविन्दाको ससुराली गाउँ पनि हो । जसका कारण उनी बेला बेलामा नेपाल आइरहन्छन् ।

गोविन्दाले विश्वमा आफूलाई मनपर्ने देश नेपाल भएको बताउँदै आएका छन् । यस्तै अब फेरि केही दिनपछि गोविन्दा नेपाल आउने भएका छन् । उनी कात्तिक २१ गतेबाट विरगञ्जमा हुन लागेको ‘नेपाल चलचित्र स्वर्णिम महोत्सव’ मा विशेष अतिथीको रुपमा आउने भएका   छन् । उनले उक्त महोत्सवमा प्रस्तुती पनि दिनेछन् ।

नेपाल चलचित्र निर्माता संघको आयोजनामा हुन लागेको तराइ, पहाड, हिमालको उत्सव ‘नेपाली चलचित्र स्वोर्णिम महोत्सव २०७६’ कात्तिक २१, २२ र २३ गते हुँदैछ ।