आज नायक आकाश श्रेष्ठको जन्मदिन, शुभकामना दिनेको ओइरो

१९ कार्तिक २०७६, काठमाडौँ

आकाश श्रेष्ठ अहिलेका सर्वाधिक चर्चित र डिमाण्डेड अभिनेता हुन् । उनी एकपछि अर्को चलचित्रमा निरन्तर व्यस्त छन् । आकाशको लुक्सको पनि निकै चर्चा हुने गरेको छ । सिनेवृतमा उनको र पूजाको अफेयर चर्चा आजकल निकै चल्ने गरेको छ ।

आज उनै चकलेटी अभिनेता आकाश श्रेष्ठको जन्मदिन रहेको छ । आकाशले यसअघि आफ्नो जन्मदिन पूजासँग मनाएका थिए । तर यसपटक पूजा चलचित्र म यस्तो गीत गाउँछु २ को छायांकनका लागि इलाममा छिन् । जसका कारण आकाशले यसपटकको जन्मदिन पूजा बिना नै मनाएका छन् ।

आज आकाशको जन्मदिन भएकाले उनलाई सामाजिक सञ्जालमा उनका फ्यानहरुले वर्थ डे विस गरिरहेका छन् । आकाशले आज आफूले पूजालाई निकै मिस गरिरहेको समेत बताए ।