अक्षय कुमारको पारिश्रमिक सय करोड !

२१ कार्तिक २०७६, काठमाडौँ

अक्षय कुमार बलिउडका निकै सफल कलाकार हुन् । उनी एकपछि अर्को चलचित्रमा निकै व्यस्त रहन्छन् । उनको फ्यान फलोइङ पनि लोभलाग्दो रहेको छ । अहिले अक्षय कुमार अभिनीत चलचित्र हाउसफूल ४ प्रदर्शन भैरहेको छ । हाउसफूल ४ ले निकै राम्रो कमाई पनि गरेको छ ।

यस्तै अब अक्षयले वरुण धवनका पिता डेबिड धवनको नयाँ चलचित्रमा काम गर्ने भएका छन् । उक्त चलचित्रका लागि उनले पारिश्रमिक स्वरुप १ सय करोड पाउन लागेको चर्चा बलिउडमा चल्न थालेको छ ।

हुन त आजभोली बलिउड अभिनेताहरु निर्मातासँग सेयरमा काम गर्ने गर्छन् । चलचित्रबाट नाफा भएको रकम उनीहरुले लिने सर्तमा चलचित्रमा काम गर्ने गरेका छन् । अक्षयभन्दा अगाडी सलमान खान र आमिर खान जस्ता चर्चित अभिनेताले चलचित्रमा सय करोड लिएका छन् ।