फागुन २३ बाट प्रदर्शन हुदैँ पल र पूजाको ‘म यस्तो गीत गाउँछु २’

२१ कार्तिक २०७६, काठमाडौँ

नायिका पूजा शर्मा यतिबेला चलचित्र म यस्तो गीत गाउँछु २ को छायांकनमा व्यस्त छिन् । म यस्तो गीत गाउँछु बक्सअफिसमा सफल चलचित्र हो । चलचित्रमा पूजासँग नायक पल शाहको जोडी बाधिएको थियो । पल र पूजाको जोडीलाई दर्शकले निकै रुचाएका पनि थिए ।

म यस्तो गीत गाउँछु २ मा पनि दर्शकले पल र पूजाको जोडीलाई नै देख्न पाउनेछन् । अहिले इलाममा चलचित्रको छायांकन भैरहेको छ । यस्तै म यस्तो गीत गाउँछु २ को प्रदर्शन मिति तय भएको छ ।

चलचित्र म यस्तो गीत गाउँछु २ फागुन २३ गतेबाट देशव्यापी रुपमा प्रदर्शनमा आउँदै छ । चलचित्र म यस्तो गीत गाउँछु २ लाई सुदर्शन थापाले निर्देशन गरिरहेका छन् ।