२१ कार्तिक २०७६, काठमाडौँ
कार्तिक २२ बाट देशभर प्रदर्शनमा आउन लागेको चलचित्र घामड शेरे को मल्टिप्लेक्समा बुकिङ खुल्ला भैसकेको छ । घामड शेरे ले मल्टिप्लेक्समा उच्च शोज पाएको छ । कार्तिक ८ मा प्रदर्शन हुने भनिएको चलचित्र घामड शेरे मल्टिप्लेक्समा कम शोज पाएकै कारण २ हप्ता पर सरेको थियो ।
नेपालको सबैभन्दा ठूलो मल्टीप्लेक्स चेन क्यूएफएक्समा ‘घामड शेरे’ ले राजधानीको पाँच स्टेशनमा ६ सोज पाएको थियो । कात्तिक २२ गतेलाई १७ सोज हात पारेको छ । त्यस्तै, उपत्यका बाहिरको ४ स्टेशनमा फिल्मले १२ सोज पाएको छ ।
क्यूएफएक्स च्यानलमा मात्र २९ सोजमा प्रदर्शन आरम्भ गर्न लागेको यो फिल्मलाई राजधानीको विग मुभिजले ५ सोज बाँड्दा क्यूज सिनेमाज्, सिडिसी सिनेमाज् र विएसआर सिनेमाज्ले समान्तर ३र३ सोज प्रदान गरेका छन् । त्यस्तै, वान सिनेमाज् र एफक्यूब सिनेमाज्मा फिल्मले ४ सोज हात पारेको छ । फिल्म देशैभर ८५ बढी हलमा प्रदर्शन हुने बताइएको छ । मल्टीप्लेक्स सोज र हल संख्या हेर्दा फिल्मको ओपनिङ आक्रामक हुने देखिन्छ ।
रियल जोडी निश्चल बस्नेत र स्वस्तिमा खड्काको मुख्य भूमिका रहेको चलचित्रलाई हेमराज बिसीले निर्देशन गरेका हुन् । चलचित्रको गीतसंगीत र ट्रेलरलाई पनि दर्शकले असाध्यै रुचाएका छन् । जसका कारण पनि चलचित्रको व्यापार राम्रो हुने छाटँकाटँ देखिएको छ ।
