शुभ मुर्हत गर्दै आजबाट ‘प्रेमगीत ३’ को छायांकन सुरु

२२ कार्तिक २०७६, काठमाडौँ

फ्लोरमा जानु अगावै लामो समयदेखि चर्चामा रहेको चलचित्र प्रेमगीत ३ को आज शुभ मूर्हुत गरी छायांकन समेत सुरु गरिएको छ । लामो समयदेखि चलचित्र छायांकनको लागि सेट निर्माण भैरहेको सन्तोष सेनले जानकारी दिएका थिए ।

आज दक्षिणकाली मन्दिरमा शुभ मूर्हुत गरिदैँ चलचित्रको छायांकन सुरु गरिएको हो । चलचित्रको छायांकन काठमाडौँ र मनाङमा हुने सन्तोष सेनले बताएका छन् । चलचित्रको केही प्रतिशत छायांकन मात्र काठमाडौँमा हुने बाकिँ मनाङमा हुनेछ । चलचित्रलाई सन्तोष सेन र छेतन गुरुङले संयुक्त रुपमा निर्देशन गर्दैछन् ।

प्रेमगीत ३ मा अभिनेता प्रदिप खड्का तेस्रो पटक प्रेमको भूमिकामा देखिदैँछन् । उनका साथ कृष्टिना गुरुङ, शिव श्रेष्ठ, मनिष लिम्बु, अनुभव रेग्मी, सुनिल थापा, सन्तोष सेन, लक्ष्मी वर्देवा, प्रेम पुरी, समृद्धि शाही ठकुरी लगायतको मुख्य भूमिका चलचित्रमा रहेको छ । चलचित्र प्रेमगीत ३ नयाँ बर्षको अवसरमा चैत्र २८ बाट देशव्यापी रुपमा प्रदर्शनमा आउँदै छ ।