विरगञ्जमा गोविन्दाले निरुता, दिपादेखि स्वेतासम्मलाई नचाए, गोविन्दाले साली भनेर जिस्काउँदा लजाए नायिकाहरु

२२ कार्तिक २०७६, काठमाडौँ

बलिउड स्टार गोविन्दा केहीदिन अघि नेपाल आएका छन् । उनी विरगञ्जमा हिजोबाट सुरु भएको स्वर्णिम चलचित्र महोत्सव का लागि नेपाल आएका हुन् । उनीसँगै उनकी श्रीमती सुनिता अहुजा र नेपालकी चर्चित नायिका निरुता सिंह पनि नेपाल आएका छन् ।

यस्तै सुनिता नेपालकी चेली हुन् । त्यसैकारण पनि गोविन्दा बेला बेलामा नेपाल आइरहन्छन् । अझ उनले आफू हरेक बर्ष श्रीमतीसँग पशुपतिनाथको दर्शन गर्न नेपाल आउने गरेको बताए ।

हिजो विरगञ्जमा गोविन्दाले तहल्का मच्चाएका छन् । गोविन्दा नेपालका चर्चित नायिकाहरुसँग मज्जाले डान्स गरेका थिए । अझ उनले नायिकाहरुलाई साली भनेर जिस्काउन समेत भ्याए । निरुता सिंह, दिपाश्री निरौला, स्वेता खड्का, बर्षा सिवाकोटी, रेजिना उप्रेती लगायतका नायिकाहरुले गोविन्दासँग स्टेजमा ठुम्का लगाएका थिए । जे होस गोविन्दाले विरगञ्जको माहोल नै अर्कै बनाइदिएका थिए ।