‘कसरी’ को अपार सफलतापछि देवेन्द्र बब्लुको ‘बुढाबुढी’ रिलिज

२२ कार्तिक २०७६, काठमाडौँ

प्रकाश सपूतका भाई देवेन्द्र बब्लु पनि आफूलाई राम्रो गायकको रुपमा स्थापित गर्नको लागि प्रयत्न गरिरहेका छन् । केहीसमय अघि उनले कसरी कसरी बोलको गीत ल्याएका थिए । जसलाई दर्शकले असाध्यै रुचाए ।

अहिले फेरि देवेन्द्रले नयाँ गीत ल्याएका छन् । देवेन्द्र बब्लुकै शब्द र संगीत रहेको बुढाबुढी बोलको गीतमा आवाज पनि देवेन्द्रकै रहेको छ । निकै रमाइलो शैलीको गीतमा देवेन्द्र र संगीता गैरे फिचर्ड छन् । यो गीतलाई प्रविन भट्टले  निर्देशन गरेका हुन् । गीतलाई प्रकाश सपूतको युट्युब च्यानलबाट सार्वजनिक गरिएको छ ।