२३ कार्तिक २०७६, काठमाडौँ
नायिका बर्षा सिवाकोटी अहिले स्वर्णिम चलचित्र महोत्सवका लागि विरगञ्ज पुगेकी छिन् । पछिल्लो समयमा बर्षा पनि विभिन्न कारणले चर्चामा आइरहेकी छिन् । चलचित्र विर विक्रम २ रिलिजको समयमा उनको र निर्देशक मिलन चाम्सको प्रेमको चर्चाले नेपाली सिने जगतमा तहल्का मच्चिएको थियो ।
अहिले फेरि बर्षा प्रेमीकै कारण चर्चामा छिन् । केहीसमय अघि अमेरिका गएकी बर्षाले अमेरिकामा सविन जंग थापालाई भेटेपछि धेरैले उनी नै बर्षाका प्रेमी भएको बताए । बर्षा प्रेमी भेट्नको लागि नै अमेरिका गएको भन्ने हल्ला पनि नचलेको होइन ।
बर्षाले आफ्नो प्रेमीबारे केहीपनि खुलेर बताएकी छैनन् । प्रेमीको प्रसंगबारे प्रश्न गर्दा बर्षा अहिले आफू यस विषयमा केही बोल्न नचाहने बताउँछिन् । विर विक्रम पछि उनले चलचित्र लक्का जवान मा काम गरेकी छिन् ।
