बलिउडमा अभिताभको ५० बर्ष पुरा

२३ कार्तिक २०७६, काठमाडौँ

अमिताभ बच्चन बलिउडका सदावहार अभिनेता हुन् । उमेरले ७५ पुगिसकेका उनी आफ्नो काम भने उही जोस र जागँरका साथ गर्ने गर्छन् ।

यस्तै अमिताभले चलचित्रमा योगदान दिएको ५० बर्ष पुरा भएको छ । यो ५० बर्षको समयावधि अमिताभको लागि सजिलो थिएन । उनले यो ५० बर्षमा निकै संघर्ष गरेका छन् ।

आधा शताब्दीदेखि इन्डस्ट्रीमा आफ्नो बलियो साम्राज्य बनाएका उनको पहिलो फिल्म ‘सात हिन्दुस्तानी’ ७ नोभेम्बर १९६९ मा प्रदर्शन भएको थियो । त्यसबेलादेखि अहिलेसम्म उनले आफ्नो करिअर पछाडि फर्किएर हेर्नु परेको छैन । नलाई प्रशंसकले गुरु र प्रभुको रुपमा पुज्ने गर्दछन् ।

उनको नाममा मन्दिर समेत स्थापना भएको छ । सन् २०११ मा उनको जन्मदिनमा फ्यानले मन्दिरको स्थापना गरेका थिए । र, हरेक वर्ष उनको जन्मदिनमा यो मन्दिरमा पूजा हुने गर्दछ ।