२४ कार्तिक २०७६, काठमाडौँ
अक्षय कुमार अहिलेका सर्वाधिक व्यस्त र चर्चित अभिनेता हुन् । यो बर्ष पनि उनको ३ वटा चलचित्रहरु प्रदर्शनमा आइसकेका छन् । केसरी, मिशन मगंल र हाउसफूल ४ । यी तिनै चलचित्र व्यापारिक हिसाबले सफल नै साबित भएका छन् ।
यस्तै २०२० मा पनि उनका ४ चलचित्र प्रदर्शनमा आउँदैछन् । २०२० मा उनको भिडन्त आमिर खान र सलमान खानसँग हुने पक्का छ । यसैबिच अक्षयले नयाँ चलचित्र साइन गरेका छन् ।
बलिउड हंगामाले जनाए अनुसार वासु भगनानाी तथा फिल्म एयरलिफ्टका निर्देशक निखिल आडवाणीसंगै अक्षय कुमार एउटा पावर–प्याक फिल्ममा काम गर्दैछन् । उक्त समाचारमा जनाइए अनुसार उक्त फिल्म एक्सनका साथ–साथै मनोरञ्जन तथा इमोसनले पनि भरिपूर्ण हुनेछ ।
उक्त फिल्मका लागि अक्षय कुमारले हालसम्मकै सर्वाधिक पारिश्रमिक लिन लागेको समेत उक्त समाचारमा जनाइएको छ । फिल्मका लागि अक्षयले एक सय करोड भारतीय रुपैयाँ पारिश्रमिक लिन लागेको दावी गरिएको छ ।
यदि यो दावी सत्य भयो भने उनी बलिउडकै सबैभन्दा बढि पारिश्रमिक लिने अभिनेताको रुपमा दरिने छन् ।
