२३ कात्तिक २०७६, काठमाडौं
भारतले जारी गरेको नयाँ नक्साको विरोधमा आन्दोलनरत अनेरास्ववियू केन्द्रिय कमिटीले परराष्ट्रमन्त्री प्रदीप कुमार ज्ञवालीलाई ज्ञापन पत्र बुझाउँदै नेपाली भूमीबाट तत्काल भारतीय सेना हटाउन माग गरेको छ ।
अनेरास्ववियूका संयोजक ऐन महर र सहसंयोजक रञ्जित तामाङ सहित अनेरास्ववियू केन्द्रिय कमिटीको टोलीले परराष्ट्र मन्त्रालय गई ज्ञापन पत्र बुझाएको हो ।
बुझाईएको ज्ञापन पत्रमा मुख्यगरी पाँच विषयहरु उठाईएका छन् । जसमा :
१) ऐतिहासिक तथ्य र प्रमाणको आधारमा नेपालको अभिन्न भूभागको रुपमा रहेका लिम्पियाधुरा , कालापानी र लिपुलेक माथिको भारतीय दावीलाई खारेज गरी उच्चस्तरीय वार्ता, सम्वाद र कुटनैतिक तवरवाट सदाका लागि सिमा समस्या समाधान गरियोस् ।
२) भारतसँग विवादमा रहेका सन्धि, सिमा, व्यापार लगायतका विषय हल गर्न गठित एमिनेन्ट पर्सन्स ग्रुप (इपिजी)को प्रतिवेदनलाई दुवै देशका प्रधानमन्त्रीले तत्काल ग्रहण गर्ने वातावरण बनाई सम्पुर्ण समस्याको एकमुष्ट र एकीकृत समाधान गरियोस् ।
३) कतिपय ठाउँमा चीनसँग समेत सिमा विवाद रहेको देखिन आएकाले त्यसलाई कुटनीतिक पहल मार्फत अविलम्ब समाधान गरियोस् ।
४) नेपाली भूमीमा राखिएका भारतीय सेनाहरुलाई तत्काल फिर्ता गराउन कुटनीतिक पहलकदमी सुरु गरियोस् ।
५) सिमा समस्याको दीर्घकालिन समाधानको निम्ति वैज्ञानिक सिमांकन प्रणाली कायम गरियोस् र सिमा क्षेत्रमा राज्यको बलियो र प्रभावकारी उपस्थिति सुनिश्चित गरियोस् ।
अनेरास्ववियूले परराष्ट्रमन्त्रीलाई बुझाएको ज्ञापन पत्र
