२८ कार्तिक २०७६, काठमाडौं
विभिन्न जीवनशैली तथा खानपानका कारण मानिस अनेकौं रोगको शिकार बन्न पुगिरहेका हुन्छन्। मानिस रोगको शिकार बन्नुको मूख्य कारण नै लापारवाही जीवनशैली हो।
‘रोग’ मानिसको ‘शत्रु’हो। त्यसैले, रोगले जुनसुकै समयमा पनि आक्रमण गर्दछ। चिकित्सकहरुका अनुसार, जुन शत्रुबाट बच्नका लागि जीवनशैलीसँगै खानपानमा उत्तिकै ध्यान दिन जरुरी छ।
जुन रोगहरुमध्ये एक ‘पाठेघर’को दुखाई पनि हो। पछिल्लो समय अधिकांश महिलाहरुमा यो समस्या देखिन थालेको छ।
प्रायः पाठेघरको दुखाई अहिले आएर महिलाहरुको साझा समस्या नै बन्न थालेको छ। महिनावारी अघि र पछि पनि तल्लो पेट दुख्ने समस्याले महिलालाई निरन्तर सताउँने गर्दछ।
तर यसको सही उपचार नभएमा बिस्तारै महिलाको स्वास्थ्य नै प्रभावित बनाइदिन्छ। हुन त महिनावारी भएको समयमा हल्का पेट दुख्नु सामान्यः नै मानिन्छ।
तर पिसाबमा संक्रमण, पाठेघरको छेउछाउमा संक्रमण हुने दुखाइ निकै घातक हुनसक्ने चिकित्सकहरु सुझाव दिन्छन्।
यसरी तल्लो पेटको दुखाईले महिलालाई पछि गएर ठूलो समस्या आइलाग्न सक्छ। जसलाई लक्षण अनुसार कारण पहिल्याएर उपचार गर्नु आवश्यक हुन्छ।
त्यसैले यी लक्षण, कारण र उपचारविधिको बिषयमा जान्नुहोस्:
कतिपय महिलालाई महिनावारी गडबडीले तल्लो पेट दुख्ने गर्दछ भने कसैलाई योनीबाट रगत जाने कारणले समेत दुख्ने गर्दछ। यसरी तल्लो पेट दुख्नु भनेको पाठेघरको टिबी हुनसक्छ।
यस्तोमा खान मन नलाग्ने, तौल कम हुने, थकाइ लाग्ने, अलिकति काम गर्ने बित्तिकै थाक्ने, ज्वरो आउने हुने गर्दछ। साथै लामो समय तल्लो पेट दुख्ने, महिनावारीका बेला दुखाई बढ्ने, शारीरिक सम्पर्क राख्दा असामान्यः दुख्ने समेत हुन्छ।
यस्तो दुखाई हुँदा काम गर्न नसकिने, दिसा–पिसाब गर्न गाह्रो हुने, ढाड दुख्ने र योनीबाट तरल पदार्थ बग्नेसमेत हुन्छ।
कारण
महिनावारी भएको बेला योनीबाहिर रगत आउनु पर्नेमा पाठेघरको दुईतिर भएको ट्युबबाट रगत बग्दा डिम्बाशयमा जम्दा तल्लो पेट दुख्ने हुनसक्छ।
महिनावारी भएको बेला बाहिर बग्नु पर्ने रगत जमेर बस्छ र त्यो रगत आन्द्रा, नशा र पिसाबथैली माथि पुग्दछ। जो पछि टासिएर कसिदै जान्छ।
जो लामो समय हलचल नहुँदा हलचल हुनासाथ वा शारीरिक सम्पर्कका बेला दुख्ने गर्दछ। यो पीडा महिनावारीको बेला वा यात्रा गर्दासमेत बल्झिने गर्दछ।
उपचार
सबैभन्दा पहिला त तल्लो पेट दुखाईको उपचार गर्नु अघि तल्लो पेट दुखाईको कारण बुझ्नु जरुरी हुन्छ।
यस्तोमा चिकित्सकले महिलाको पाठेघरको हिस्ट्रि बुझेर मात्र उपचार थाल्दछन्। यदि हिस्ट्रिबाट पनि दुखाईको कारण पत्ता लगाउन सकिएन भने चिकित्सकले बिरामीलाई बेहोस पारी ल्याप्रोस्कोपी प्रक्रियामार्फत पाठेघर र भित्ताको जाँच गर्दछन्।
यदि डिम्बाशयमा रगत जम्मा भएको रहेछ भने त्यसलाई निकाल्नैपर्। अर्थात समस्या अझै बढी भएमा पाठेघरसँगै डिम्बाशय पनि निकाल्नु पर्ने हुन्छ।
त्यसैले तल्लो पेटको दुखाईलाई सामान्य नमानी दुखाई शुरु हुनासाथ चिकित्सकको परामर्श लिन आवश्यक हुन्छ।
