०१ मंसिर २०७६, काठमाडौँ
निश्चल बस्नेत र स्वस्तिमा खड्का नेपाली चलचित्र क्षेत्रमा औधी रुचाइएको जोडी हो । रियल जोडी निश्चल र स्वस्तिमाको फ्यान फलोइङ निकै लोभलाग्दो रहेको छ । निश्चल र स्वस्तिमाले केही गीतमा सँगै काम गरेका छन् ।
चलचित्रमा पनि यो जोडीलाई एकसाथ देख्ने दर्शकको ठूलो चाहना थियो । चलचित्र घामड शेरे मा निश्चल र स्वस्तिमाले पहिलो पटक एकसाथ स्क्रिन सेयर गरेका थिए । चलचित्रको गीतसंगीत र ट्रेलरलाई पनि दर्र्शकले रुचाएका थिए ।
जसका कारण चलचित्र सफल हुनेमा निर्माण टिमको आश थियो । तर विडम्बना सोचेको जस्तो भएन र घामड शेरे ले बक्सअफिसमा कमाल देखाउन सकेन । निश्चल र स्वस्तिमाको स्टारडमलाई हेरेर पनि चलचित्र चल्नेमा विश्वास गरिएको थियो । तर निश्चल र स्वस्तिमाको स्टारडमले पनि काम गरेन ।
हुन त चलचित्र सफल हुनलाई चलचित्रको विषयवस्तु पनि राम्रो हुनुपर्छ । चलचित्र चल्नुमा सम्पूर्ण हात कलाकारको मात्रै पनि हुदैँन । आखिर के कारणले भयो त घामड शेरे फ्लप ?
