![](https://i0.wp.com/www.pariwartankhabar.com/wp-content/uploads/2019/11/Nawaraj-KC.jpg?fit=720%2C473&ssl=1)
०३ मंसिर २०७६, काठमाडौं
ओखलढुंगाको चम्पादेवी गाँउपाललिका अध्यक्ष नवराज केसीले कृषकहरुका लागि निःशुल्क हातेट्याक्टर वितरण गर्दा कृषक उत्साहित बनेका छन् ।
गाँउपाललिकाको वडा नं. ७ कोलचौर कृषक समूह, सिल्खु बेसी र पलापुलाई गाँउपालिका अध्यक्ष नबराज केसीले आधुनिक कृषिमा प्रोत्साहन गराउने उदेश्यले किसानहरुलाई निःशुल्क रुपमा हातेट्याक्टर वितरण गरेको बताएका छन् ।
अध्यक्ष केसीका अनुसार पालिका भित्रका बाँकी ७ वटै वडामा हातेट्याक्टर वितरण गरिनेछ । किसानहरुको विभिन्न बाली लगाउने सिजन भएका कारण समय अनुकुल पारेर ट्याक्टर वितरण गरिएको समेत उनले बताए । पालिकाले आधुनिक कृषिलाइ जोड दिने र किसानलाई कृषिमा आत्मानिर्भर बनाउने उदेश्यले विगतमा पनि हावापानी र माटोलाई सुवाउदो किसिमका तरकारी तथा फलफुलका विरुवाहरु समेत वितरण गरेको थियो ।